1-3月壽星大派對！

當日嘉逸居 2 樓真係非常熱鬧，我哋為院友舉辦咗一場超溫馨嘅生日會！大家一齊開開心心唱生日歌，仲享用咗一頓非常豐富嘅生日大餐，當然唔少得大家最鍾意嘅問答遊戲啦。見到各位壽星公、壽星婆同埋報名參加嘅家人們全程笑逐顏開，嗰種發自內心嘅快樂真係感染到身邊每一個人，場面既熱鬧又溫馨！